جفرا نيوز - خلال استضافته ببرنامج "أسرار" مع الإعلامية أميرة بدر المذاع على قناة النهار، كشف المخرج محمد سامي أسباب خلافه مع الفنانة الكبيرة عفاف شعيب وسبب هحومها عليه، كما تحدث عن خلافه مع تامر حسني وسبب عدم عملهما معاً الفترة الأخيرة، كما رد على الهجوم الذي تعرض له أثناء عرض مسلسل "نسل الأغراب" في رمضان 2021.

وقال سامي: "تعرضت لهجوم وقالوا إن مسلسل نسل الأغراب فشل، لكن ربنا جابلي حقي".

وتابع: "مسلسل نسل الأغراب مكانش فيه مقارنة بين محمد رمضان وأمير كرارة، ولكن رمضان كان هيبقى مكان السقا وحصل لخبطة، لكن أنا نجحت معاهم كلهم وهما نجوم كبار، واللي هاجم المسلسل فين دلوقتي، طيب خليه فشل، كنت بتتفرج عليه إزاي".

وعن اتهامات الفنانة عفاف شعيب له في وقت سابق أثناء مسلسل "آدم"، بأنه أجبرها أثناء التصوير على الصعود لسيارة الشرطة رغم شعورها ببعض الآلام في ظهرها.

قال سامي: "قصة عفاف شعيب كلها كذب، وأنا بحترم سنها لأنها ست كبيرة، وهي اتكلمت كلام كتير كله كذب، القصة الحقيقية إننا مرة كنا بنصور مسلسل آدم ونفس الوقت بيتصور جنبنا مسلسل اسمه دوران شبرا، والأستاذة عفاف استأذنت قالتلي أخويا تعبان ومسافرة أعالجه، قلتلها تمام، وأنا بصور بالصدفة كلمني صديق صدفة اسمه جوزيف قالى تعالى عدي عليا انا بصور مشهد لـ عفاف شعيب، وعرفت إنها في استوديو ورانا، وموضوع ضهرها ده محصلش".

ووجود خلاف مع الفنان تامر حسني قال محمد سامي: "مرة حصل بيني وبين تامر خلاف كبير والناس متعرفش الموضوع ده، وكنت بعدها مفتقده جدًا، لحد ما شفته صدفة وضحكنا لبعض، وقلتله مفتقدك جدًا في المكالمة الساعتين اللي نصها ضحك، لأنه أخف دم في العالم".

وأضاف: "أنا أكتر واحد اشتغل مع تامر حسني في الوطن العربي، عملت معاه إعلانات وكليبات ومسلسل، إزاي مفيش بيننا كيميا، وبعدين تامر دلوقتي مخرج زميل، وكله إلا تامر حسني، أنا عندي الوسط الفني في كفة وتامر في كفة".

واستطرد قائلًا: "أنا كلمت تامر حسني لما اختلفت في وجهات النظر أنا وأنغام في مسلسل نسل الأغراب، وعملي أغاني قيمتها ملايين من غير ولا مليم، ونزل بات في الاستوديو كأنه مسلسل بطولته".