جفرا نيوز - أعلن مطرب المهرجانات الشهير حمو بيكا، من خلال فيديو بث مباشر عبر حسابه الخاص في تطبيق التواصل الإجتماعي (فيس بوك) عن استيائه من المشاهدات القليلة لأغنيته الجديدة التي طرحها أخيراً، بعنوان "ضحكتها مزيكا".

وقال بيكا: "لما أنزل تراك على يوتيوب اللي عندي فيه 5 مليون متابع ويتشاف 11 ألف مرة كده يبقى في مصيبة وقلة أدب يا عم مارك شوف لنا حل... الصينيين بيجيبوا 35 مليون مشاهدة في يوم عشان بيحبوا بعض، إحنا هنا بنبص لرزق الناس.. مش عايزين تسمعوا كفاية إحنا بنسمعه، كده كده بنغني وبنزل أغاني"، وفق (لها).

وأضاف ساخراً" أنا طالع أبلغ مارك رسالة، أنتوا كده كده معانا عالعومة، ناجحين إنتوا معانا ساقطين إنتوا معانا إحنا كلنا في مركب واحد... أنا هقفل كل قنواتي واعتزل المهرجانات".

وتابع قائلاً: "كلنا هنشحت ونشوف لنا جامع... وحسن شاكوش فتح كافيه والنهاردة الافتتاح وكلنا رايحين له، وقدورة كمان راح عمل كافيه خلاص الفنانين (جضوا) من الحياة... أنا تعبان وميت وباخد حقنة بـ45 ألف جنيه، خدوا فلوسي وأدوني صحتي، صحتي كلها راحت بعد عملي في هذه الوظيفة".

من ناحية أخرى، فتح حمو بيكا النار على أحد منتقدي مهنة الجِزارة التي كان يتقنها منذ صغره حيث وجّه إليه أحد متابعيه رسالة قال فيها: "هات شوية خرفان وروح بيعهم"، ليردّ حمو بيكا عليه قائلاً: "مالهم الخرفان مهنتي ومقدرش استغني عنها، هو أنت تطول تشتغل جزار، أجدادي وأهلي كلهم شغّالين المهنة دي".

يُشار الى أن حمو بيكا أحيا ثاني حفلاته في "موسم الرياض"، وقدّم لجمهوره مجموعة من أغانيه، كاشفاً عن أسباب إحيائه لهذا الحفل بالقول: "لأول مرة في موسم الرياض، بعد نفاد تذاكر حفلة الغد... قررت هيئة الترفية عمل حفلة تانية اليوم التالي، على نفس المسرح، للناس اللي ماعرفتش تحجز لحفلة بكرة... شكراً لجمهور المملكة العربية السعودية على كل الحب ده".