عبرت النجمة المصرية حورية فرغلي، عن حزنها الشديد بسبب عدم سؤال الجميع عنها طوال الفترة الماضية خاصة من الوسط الفني، إضافة إلى شعورها بالحزن لما تعرضت له بسبب شكل أنفها الذي أفسدته العمليات التي أجرتها به، بعد تعرضه لإصابة شديدة إثر حادث سقوط.

وقالت حورية في مداخلة هاتفية مع الإعلامية إيمان الحصري ببرنامج "مساء dmc"":"اتصدمت لما لقيت الناس اللي كانوا معايا علطول وشغالة معاهم لمدة 10 سنوات ووقفت جنبهم، بقوا مش جنبي، كنت فاكرهم بيحبوني لكن لأ".

ولم تتمالك حورية نفسها ودخلت في نوبة بكاء على الهواء، قائلة:"في السنة الجديدة انا محدش قالي هابي نيو ير غير أخويا، كله اختفى ومحدش بقى موجود، كأني معملتش حاجة، أنا كنت بشتل وانا تعبانة، وواخدة شغلي جد مش هزار، للدرجة دي الناس مش بتقف جنب بعض".

وأضافت حورية: "فقدت الثقة في نفسي كست وكممثلة، لأن محدش قدر شغلي وأعمالي، وصعبان عليا نفسي، وقررت أبعد ومش عايزة حد يشوفني إلا لما أرجع زي الأول، لأن أنا باكبر في السن وعمري 44 سنة دلوقتي، لكن فرحانة إني عرفت الناس الكويسة والناس الوحشة، وده درس قاسي واتعلمت منه".

وتابعت قائلة:"أنا كنت ملكة جمال مصر عام 2002، ومش عايزة الناس تفرق ما بين شكلي قبل كدة، ودلوقتي، وبقول حسبي الله ونعم الوكيل في كل اللي اتنمر عليا، أنا دلوقتي بتنفس من بقى ومش بستطعم الأكل وفاقدة حاسة الشم والتذوق".