وأضاف: "بس كنت مرتاح حاتم.. وشك مرتاح كتير.. بعمري ماشفته مرتاح لهالدرجة.. وابتسامة رضى فيها رضى الكون.. (شكرًا حاتم.. الله معك حاتم)، (ياحاتم وين رايح تروح ياحاتم فتحت الجروح) هيك استقبلوك اهلك الطيبين".

وتابع النجم السوري: "على كفوف الراحة حملوك اخواتك وولادك يلي ياما حملتهم..وحملت قصصهن وبيوتهم.. هيك وصّلوك اهل الوفا بلا خوف لبيتك الأبدي بأرض الشام.. أرض وطنك.. شفت الحب؟؟ شفت الدفى؟؟".

وأردف "خليل" قائلًا: "يلي متلك هنن بيكسبوا الرهان الأبدي بهالحياة.. يلي بلامس هموم الناس.. يلي بيحترم ذكاءهم.. يلي بينتصرلهم.. راح ينتصروله.. لهيك كنت مبارح ابوهم واخوهم و ابنهم و استاذهم وشهيدهم وأميرهم.. كل واحد شاف خساراته فيك وشاف احلامه فيك.. مشّونا كلنا معك بكل لحظة.. فتلنا الشام معك".

واستأنف قائلًا: "حلوين أهلنا.. طيبين أهلنا.. مكسورين أهلنا بس كبار أهلنا.. بقدّروا الذهب العتيق.. وبيعرفوا المغشوش..وكلمتهم بقولوها.. بهيك لحظات.. هي الناس هي يلي بتكتب التاريخ الحقيقي.. وهي يلي بتصنع الخوف والقلق الحقيقي.. لكل شي مو حقيقي.. وبتهزه اكتر.. ليك نام وانت متطمن ياحبيبي و(شكرًا حاتم)".

وكان قد شُيع جثمان حاتم علي، إلى مثواه الأخير وسط حضور واسع للعديد من نجوم الفن في سوريا، وانطلقت مراسم تشييع الجنازة من مستشفى الشامي في سوريا، إلى مقبرة باب الصغير حيث ووري جثمانه الثرى.

وحرص عدد كبير من نجوم الفن، على حضور مراسم اليوم الأول من عزاء الراحل حاتم علي، في صالة "الحُسن" الملحقة بمسجد الحسن في العاصمة السورية دمشق.

واستقبل العزاء ابنه عمرو حاتم، ورافقه صديقه المخرج علي علي، إضافة إلى المخرج محمد علي، شقيق المخرج الراحل، حيث كان في مقدمة الحضور دريد لحام وسليم صبري وعباس النوري وبسام كوسا وأيمن عبدالسلام وعبدالمنعم عمايري وباسم ياخور ونضال نجم وأيمن زيدان ووائل رمضان وطلال مارديني ومنى واصف وكاريس بشار.