كشف الفنان أحمد فلوكس، أنه لن يعود للعمل مرة أخرى مع المنتج أحمد السبكي، وذلك من خلال لقائه مع الإعلامي عمرو الليثي في برنامج "واحد من الناس".

وأوضح فلوكس، أنه يحب المنتج أحمد السبكي على المستوى الشخصي، ولكنه لن يوافق على العمل معه قائلًا: "هو راجل طيب بس إتفاقاته مش طيبة.. وعشان الناس تبقى عارفة أنا مليش عنده فلوس.. أحب أكسبه كراجل ابن بلد ولا إني أشتغل معاه حتى لو مش لاقي أكل".

 

وكان الفنان أحمد فلوكس، قال في الجزء الأول من الحلقة إنه تعرض للسحر في فترة من حياته، وأثر عليه بشكل كبير جدًا، ولاحظ المقربون منه هذا التغيير على جسده وملامحه.

وكشف فلوكس طبيعة علاقته بزوجته الحالية رابية، قائلًا: "ابتدينا مع بعض، لما اتجوزنا كنا قاعدين في أوضة جنب مدخل الأسانسير، في عمارة، في استوديو كنت لسه ببتدي وكنا لسه حتى مش فارشينها، وهي ساندتني كتير، سابت حياتها وبلدها وجت قعدت معايا".