رانيا يوسف: "أنا حرة وبلبس على راحتي"
جفر نيوز - حلت الفنانة المصرية رانيا يوسف ضيفة على (برنامج 3 ستات) المعروض على شاشة قناة (صدى البلد) حيث تحدثت عن تفاصيل كثيرة عن منها ردها على من ينظرون إليها من الخارج ويصدرون أحكامًا عليها من مجرد رؤيتها والملابس التي ترتديها.
قائلة خلال هذا اللقاء التلفزيوني، مساء يوم الجمعة، ونقله موقع (نورت): "طول الوقت بيتبصلي من برة، وبيحكموا عليا من لبسي مش شخصيتي، رغم إني حتى قبل ما أدخل الوسط الفني، بلبس على راحتي”.وأضافت: "محدش كان بيقولي اللبس دا واسع دا مفتوح، لكن بعد كدا حصل تدخلات خارجية غيرت مفاهيمنا".
وتابعت: "الشغل الزيادة بيفقد المرأة كل أنوثتها، يعني ابتديت أصحى الصبح ألاقي صوتي قلبّ راجل".
وواصلت: "الوش الحقيقي بتاعي مبقاش موجود، وفي رجالة أنا بمشيهم في الشغل، ومينفعش أبقى كيوت"، مضيفة: "أنا مقتنعة إن اللبس حرية شخصية ومحدش ليه دخل بيها، ولا حد ليه حق يتدخل يقولي ألبس إيه، لأن ربنا خلقني حرة، واللبس على مزاج الناس حاجة مينفعش تحصل".
وذكرت رانيا يوسف: "أنوثتي من برة فقط، لكن الحقيقة من جوة مش كدا خالص، وأنا مبحبش الأوامر ومبحبش القهر، حتى في تعاملي مع بناتي سايبة ليهم الحرية المطلقة، بس في حد معين بنقف عنده ونتكلم فيه"، مضيفةً: "أنا متأثرة بأسلوب والدي وشخصيته في الالتزام والانضباط، وهو اللي معاه أسراري ومتفاهم معايا جدًا، رغم طبيعة شغله كونه رجل عسكري".
وتابعت: "لو هعمل حاجة مجنونة، هحلق شعري زلبطة، نفسي أعمل كدا، لأن مفيش حاجة تكسرنا كستات"، مواصلة: "بحط جاز في شعري، لأنه بيقوي البصيلة وبينعم، دي وصفة جدتي، وبنصح كل الستات تعمل كدا".